Rudy Henriquez - Tres poesia

E Indjan

E indjan a pasa atrobe

Te na tera di sapu

Ta kik' e ta buska?

Ke wak konshenshi herebé?

Ke wak ta ken si ta keré?

Mi stima su spiritu

E tambe ta konta'mi di gritu

Gritunan di katibu

Bon mes e konosé nan spiritu

Gritando duru den nan mundu

Nan di ban dilanti: bo sa kon?

Basta kultur'i panikrak den barí

Tula no ke warda mas e di

Dilanti, ban dilanti mane primintí

"Liberté, egalité et fraternité"

Ban, ban dilanti pa logra esei!

De Indiaan

De indiaan is weer langs geweest

Tot in het kikkerland

Wat zoekt hij?

Wil hij gekookte gewetens zien?

Wil hij kijken wie hem wél gelooft?

Ik hou van zijn geest

Hij vertelt mij over geschreeuw

Geschreeuw  van slaven

Hij kent hun geesten héél  goed

Hard schreeuwen ze in hun wereld

Zij zeggen:  we moeten vooruit

Genoeg met de cultuur van krabben in een ton

Tula wil niet meer wachten

Naar voren, samen naar voren, zoals beloofd

“Vrijheid, gelijkheid en broederschap”

Kom op! Samen vooruit!

 

Foto @ Equario de Lima

Ta Sinti ta Sinti Spiritu 

18 di ougùstùs 2013

rekordando 218 aña despues

Presentashon di tradukshon di ‘E Rais ku no ke muri’

Lugá yen di spiritu i hopi hende bibu

Yená ku hopi desendiente di katibu

Spiritunan di indjan, katib’i shon ku por buta’bo kuri

Presensia tambe di Guillermo i Tula

Kos serio, m’a sinti nan te lanta bula

Na hopi manera nos a rekòrdá

Bunita e buki a wordu batisá

Bailamentu i kantamentu tambe ta tini

Lástimamente p’esunan ku no por a bini

Finalmente Tula a laga rospondi

Ku tambe por lesa e buki den mondi

Curaçao - Bea Moedt

Mi Bandera

Mi ta ken mi ta

Ku mi malu, ku mi bon

Mi stima mi pais

Ku su historia di indjan, katib'i shon

Bandera tin, e ta stimá

Selebré i respeté!

Mi ta ken mi ta

Ku mi malu, ku mi bon

Sa (ku) si mi muri leu fo'i ka

Tap'e kadaver k'e bandera tan stimá